【民情告急】黃毓民鬧爆請「人渣」上節目 梁芷珊低頭認錯

更新時間 (HKT): 2019.12.22 13:41

才女梁芷珊早前為自家製網台節目《可以告人的關係》,邀請何君堯做嘉賓,談笑風生的態度被網民狠批是為「何已完」洗白,杜汶澤即割席「unfriend」,芷珊其後公開道歉。

昨晚節目,芷珊邀請「深黃」的黃毓民現身,開宗明義是要來「鬧爆」芷珊。毓民說:「我真係搲晒頭,就係因為你同佢喺足總共事4年,呢條友係千夫所指嘅過街老鼠,我懷疑佢行出街,去公共場合都要好小心,我就唔信個個行埋去同佢握手,話『何議員你好』!我就唔信,一定係問候佢娘親,祖宗三代,我成日講,呢個世紀級人渣嚟。佢(芷珊)又戇居居,係咪吖?」芷珊低着頭說:「係。」毓民續說:「你摑佢一巴就唔係和理非啫,但你用說話摑佢兩巴都係和理非嘛,矛盾嚟㗎嘛,阿姐。」

原來毓民當初是應承聖誕節後才上節目做嘉賓,但因為何君堯的訪問出街,加上昨日是元朗7.21襲擊事件後5個月,毓民連馬都唔跑,急上節目為芷珊挽回民情。芷珊解釋當初找何君堯原因:「我想做一個對談節目,當我寫晒想邀請嘅人後,好似好圍爐取暖嘅感覺,我覺得可以搵啲唔同政見嘅人上嚟講嘢,當然係想達到一個目的,針鋒相對得嚟,而唔係好似你(毓民)咁,好大聲咁鬧,或聲嘶力竭,我想做嗰樣係咁...以為咁可以行得通,結果唔work。」

毓民即場訓示芷珊:「我同你可以有矛盾,路線分歧或政見分歧,但呢個唔係,係敵我矛盾嘛,阿姐!佢(何君堯)基本上係我哋爭取民主自由人嘅公敵。」不過,毓民都有讚芷珊願意聽取民意,刪掉何君堯訪問之餘,仍cap圖保留被罵內容,芷珊解釋:「有啲嘢或第一個人同我講,我會『er』唔覺係咩,未必即時認同,但第二、三、四個同我講,就有一啲價值需要我去諗,所以嗰一朝早都係刪咗個訪問,免再喺網上流傳,但冇咗留言,又驚人話我唔接受批評,所以都花咗我幾多時間去cap番啲留言。」

對於芷珊的懺悔,不少網民都覺得值得原諒,留言:「經一事長一智」、「上集搵了一個很『錯』的嘉賓,今集即刻搵返一個很『對』的嘉賓,危機處理相當出色。如果政府官員有你1%咁聰明就好了。」

娛聞樂陪你走遍全球追星,即Like「娛果」FB 專頁!
BannerBanner