【對對碰】游蕙禎、羅莽舞台劇譜爺孫戀 莊端兒拍檔怕有生理反應

更新時間 (HKT): 2019.12.22 13:50

26歲游蕙禎和66歲羅莽在舞台劇《夜谷賓館營業中》譜出爺孫戀,該劇昨晚和今晚在海洋公園公演,兩人雖年齡相差41載,卻又異常合拍兼有默契,首次合作演出舞台劇的游蕙禎並不怯場,表現合格。

羅莽和游蕙禎扮演一對前世今生情侶,所以他們有古裝造型。羅莽飾演一名劊子手,他要忍痛處死自己最愛的女人,將她的頭顱斬下,這場戲更是《夜》劇的高潮,兩位演員都要有豐富情感,他們在綵排時都都很擔心,不停排練,不停修改,結果出來效果不錯。莊端兒則跟演醫生的歐陽仲豪(豪Dee)也是演情侶,劇中交待莊端兒穿越時空時,複製了多一個自己,不過兩個只能活一個。身兼演員及監製的阮民安(Tommy)在劇中扮示威者,有包頭演出。

昨晚首場演出一切算順利沒有「蝦碌」,Tommy今日接受訪問時說:「當日羅莽同游蕙禎綵排都猛話好緊張,不過噚晚佢哋好合拍,佢哋所有台詞、動作都記得,真係好犀利!今晚最後一場,希望繼續順順利利。豪Dee同莊端兒有親密戲,豪Dee演出前同我講,佢話擔心正式演出時會有生理反應,佢問我有冇呢類經驗,問我佢使唔使用保鮮紙紮住下面,等冇咁明顯,我哋都準備咗兩條底褲畀佢,一條加細,一條正常,希望可以幫到佢。最後噚晚太忙,唔記得問番佢到底有冇生理反應,今晚問番先。」莊端兒則說:「第一次做舞台劇,其實聽到台下反應好,有笑得好大聲又拍手掌,都好感恩,好多謝導演咁信任我同豪Dee,導演完全放手畀我哋兩個去改劇本,估唔到我哋個場複製人愛情故事反應咁好。」

娛聞樂陪你走遍全球追星,即Like「娛果」FB 專頁!
BannerBanner