【網店已回本】莊端兒逆市搏殺開實體店 親自上陣做生招牌

更新時間 (HKT): 2019.12.25 17:07

莊端兒和友人合資網上速遞海鮮店,今日在灣仔會展冬日美食節攤檔現身,親自做作生招牌下廚吸引大批男粉絲捧場,好朋友翟威廉、洛兒、布偉傑等也有到場支持。

莊端兒年幾前已經開始經營生意,投資六位數字,主理外賣海鮮蒸鍋送上門,近日逆市搏殺投資開實體店,她說:「趁平租搞門市,1月喺紅磡開食店,佔地過千呎。」屆時會做店舖生招牌,有信心回,並說:「我覺得食都好緊要,盡量做。」網店開業至今已回本,她坦言:「呢段日子多咗人嗌外賣,反而擔心開門市有舖租負擔,希望大家食得開心。」

剛過去平安夜及聖誕節會在工作中度過,莊端兒說:「噚晚平安到不得了,繼續單身,推咗啲約會,為咗賣seafood求生,變成世界seafood妹,除夕同元旦未得閒應約,有新消息會公佈,希望開心。」

洛兒向莊端兒偷師做生意,兩人希望合作關於寵物店舖頭。洛兒近日忙於到外地打碟工作,亦有參與電視台飲食綜藝節目,她笑說:「自從《美女廚房》燒廚房後,今次差啲燒咗人哋個廠,出咗局。」

翟威廉家族經營日本酒生意,今日到美食節撐場,他說:「屋企同莊端兒都有生意上合作。」至於會否繼承家業,他說:「本身係哥哥做,但好難請人,我會幫手去日本傾生意,日本人好得意,當建立咗關係就要自己跟番。」是否愛上從商多於演藝,翟威廉說:「幫到屋企都開心,我經常都動用自己藝人朋友幫手,又請佢哋飲酒,大家開心。」

娛聞樂陪你走遍全球追星,即Like「娛果」FB 專頁!
BannerBanner