【奶奶恨抱孫】李思欣預備好生B 爆范振鋒「唔OK」

更新時間 (HKT): 2019.12.25 16:48
(攝影:盧妹)

趙勁皓與太太盧頌之帶同囡囡踢踢今日到科學園出席親子聖誕活動,同場還有范振鋒及太太李思欣。范振鋒與李思欣透露原本想外旅慶祝聖誕,但為了工作改到澳門玩,李思欣說:「我自己好想過白色聖誕,咁大個女又未去過歐洲,希望遲啲有機會去啦。」

他們透露不敢農曆新年出埠,范振鋒說:「因為我媽咪比較傳統,佢鍾意一家人一齊過。試過結咗婚兩、三年嗰陣,新年去咗旅行,返嚟就好多說話聽。」問奶奶有否催他們生B?李思欣笑指奶奶曾表示如果生女孫就好:「但係佢又唔催嘅,我隨時都OK,但係我覺得佢(老公)唔OK,等佢覺得勁想要先啦。」

盧頌之笑指囡囡超級多說話:「佢都似我哋兩個咁多嘢講,但係而家識怕醜,同埋開始識分男仔、女仔,記性又好好。」她爆囡囡在學校很受男同學歡迎:「有男仔送心心燈畀佢,佢成日講嗰啲都係男仔名,隔離班都識佢,我都覺得好奇怪。」趙勁皓自言是緊張爸爸,但不會過份緊張囡囡學業,反而擔心男仔問題:「我會一路喺佢身邊。」他透露最近減少了工作,原本有人邀請他到新加坡拍電影,趙勁皓說:「因為要離開兩個月,我唔想,因為囡囡3歲前我都仲可以幫佢沖涼,而家盡量日日同佢沖,過咗3歲佢有男女嗰個意識就唔係咁好。如果要離開香港太耐嗰啲工作,我唔想,不過喺香港都客串咗兩套電影。」

採訪、攝影:盧妹

娛聞樂陪你走遍全球追星,即Like「娛果」FB 專頁!
BannerBanner