【天王變慈父】郭富城為囡囡扮聖誕老人 揚言現時除了工作就是家庭

更新時間 (HKT): 2019.12.26 20:10
(攝影:仇志德)

電影《麥路人》今日於尖沙嘴舉行映後座談會,郭富城、楊千嬅、顧定軒及導演黃慶勳到場分享,眾人談到拍攝的過程,以及對電影的體會。

阿城受訪時,對於電影終於能優先在香港放映感高興:「希望快啲可以正式上映。」對於電影公司安排優先場,是為了趕及報名參與金像獎,阿城認為演員很被動:「只要喺適當同許可嘅情況下上映就OK,爭取獎嗰啲,等電影公司安排,演員只係做好自己本份。」他強調自己向來支持香港新導演及電影,因此將來是否得到嘉許不在考慮之列。

至於會否讓囡囡欣賞電影?阿城笑指囡囡太細個:「但係呢部電影一定可以留低,因為呢個題材,唔係一瞬間可以解決嘅事。呢個主題係同市民息息相關,最後希望大家唔好放棄自己,盡量改變自己嘅生活,活在當下同埋珍惜身邊人。」

問到聖誕被拍得帶囡囡去沙灘玩,阿城表示是首次帶二寶去沙灘:「我見到好多人,大家好開心、好熱鬧。放低自己身份,其實好多家長都帶小朋友去沙灘玩。」他指大寶有點怕水,二寶卻睡着了:「而家除咗工作就係家庭,天氣又好好,都想同佢哋去玩多啲。我哋食完飯,返到屋企,我扮聖誕老人畀兩個女睇,我第一次扮聖誕老人,佢哋好開心。」

導演黃慶勳坦言已向金像獎報名,但直言冇信心,只希望可以多些人入場看戲。顧定軒指《麥》是有意思、充滿温暖和愛的電影:「呢一刻我都好感動,自己之前睇咗,真係忍唔到(喊)。咁啱嗰次鮑姐(鮑起靜)坐我隔籬,見到戲裏戲外嘅佢都喊緊。」

娛聞樂陪你走遍全球追星,即Like「娛果」FB 專頁!
BannerBanner