【多功能】許廷鏗直播室唱歌自嘲似講波 衛蘭望明年重現實體頒獎禮

更新時間 (HKT): 2019.12.28 17:35
攝影︰仇志德

大班歌手下午陸續現身新城領獎,其中許廷鏗今日穿上全紅西裝現身新城領獎,雖然無觀眾但他表示形象設計師依然悉心替他揀選戰衣,談到在直播室攞獎的感受,他說︰「感覺幾特別,似新聞報道員咁,又似講波,今年形式係特別啲,一班工作人員好辛苦,多嘢準備。」

問到來年可期待會繼續用此形式?他說︰「出年得唔得兩睇啦,長遠嚟講Live嘅形式可以跨地區都睇到,講真而家電台播歌機會越來越少,我份人比較懷舊,喜歡實體頒獎禮,又可見吓朋友,對我嚟講係重要嘅。」

至於衛蘭被問到在直播室中除了唱歌外,有沒有其他的表演,她說:「冇呀,主要都淨係唱歌。」講到今次的新形式頒獎禮感覺如何?衛蘭說:「都幾得意有趣,(會唔會覺得冇氣氛?)氣氛係唔同,但係有機會唱歌已經係開心㗎喇,自己真係冇試過喺直播室就咁唱歌,有機會可以咁樣分享我哋嘅歌,都已經好感恩。」

再問到衛蘭會否在完成所有頒獎禮後,私下與歌迷慶祝?她表示暫時無計劃,但她又坦言期望明年會重現實體頒獎禮,她覺得到時大家會更珍惜見面的機會。衛蘭指最期待在頒獎禮中聽到其他歌手演繹各自的作品,她說:「因為我本身好少聽廣東歌嘅,頒獎禮中就可以聽番歌手嗰一年最好聽嘅歌,同埋歌手們可以聚埋一齊見面係開心嘅。」提到今年的頒獎形式,衛蘭說比較casual,心情沒有太緊張。

另外,容祖兒、謝安琪、麥浚龍、楊千嬅今年均有派台作品,但最終全數冇獎拎。

娛聞樂陪你走遍全球追星,即Like「娛果」FB 專頁!
BannerBanner