【入紙紅館】吳浩康開騷舊愛無影 坦言分手唱情歌難頂

更新時間 (HKT): 2019.12.31 12:36
攝影︰陳俊強

剛剛跟崔碧珈(Anita)分手兼被數講大話扮上進的吳浩康(Deep),昨晚假麥花臣場館舉行一場《DEEP 2019+1》演唱會,泳兒、姜皓文、陳詠燊與曾樂彤等到來捧場,而前度Anita人無到亦未見送上花籃。Deep先以早期歌曲《討厭》揭開序幕,演唱會中段,Deep笑指一反買貴飛便能握手的慣例,他走上觀眾席的山頂位跟觀眾握手和合照,這個突而其來的驚喜o氹得大家好興奮。

到演唱會尾聲致謝部份,他鳴謝贊助、樂手及工作人員後,突然感觸起來說︰「自己是03年新人,咁多年經歷好多高低,到今日仍然可以企上台唱歌,我特別多謝所有由以前到而家嘅唱片部或經理人部同事,我今日係自己畀錢買飛邀請佢哋嚟,想答謝佢哋。」他唱畢《先入為主》後,再與樂手們跟觀眾大合照,臨落台前,他表示下次去更大場地,下次紅館見。全場觀眾不肯離開,不停叫encore,最後Deep再上台獻唱《兒戲》,又扮張國榮的聲線唱《怪你過份美麗》,最終《洗剪吹》結束演唱會。觀眾離場時,有人高呼「1月1日維園見」。

完成演出,Deep坦言鬆一口氣,今次為了令節奏一氣呵成,所以減少說話環節,免得自己見到台下親朋時忍不住口爆肚講不停,故只以憑歌寄意。問到先以《討厭》打頭陣,其中一句歌詞是「若然學識分手,可以好一點」,是否有所寄語?他說︰「無話送任何人,我呢段分手時間,去面對呢啲作品,綵排時係幾難頂,係對自己考驗。首歌好多年前,係所有事之前已經排好歌單,如果我有嘢同Anita講,我會直接同佢講。」他明言開騷時會專心工作,私人感情事暫時放下,又透露已經入紙紅館檔期到明年四月,暫時未有回覆,期望明年能夠願紅館夢。

娛聞樂陪你走遍全球追星,即Like「娛果」FB 專頁!
BannerBanner