【素顏現身】楊愛瑾除夕攜子現養和 曾國祥王敏奕探媽媽

更新時間 (HKT): 2019.12.31 19:28
攝影:陳慧安

楊愛瑾(Miki)與永安後人郭永淳婚後,先後誕下現年2歲囝囝Luken及9個月大囡囡Emma,湊成一個好字。Miki生B後亦專心相夫教子,甚少現身幕前,今天Miki與丈夫帶同Luken現身養和醫院,近12時,他們一家三口一同離開,問到兒子是否不適?郭永淳說:「冇事,冇事。」郭永淳先抱兒子坐上車上的兒童坐椅,並慢慢放好物品及替兒子繫好安全帶,見Luken相當精靈,一直好奇望着記者拍照,當問到Luken有何不舒服?Luken天真說:「我唔使睇醫生。」之後又向記者揮手說再見。而Miki戴上cap帽便裝,不施脂粉,記者着她拍照,她摸着自己的臉尷尬說:「唔好啦!我今日好樣衰呀。」最後兩公婆上車前向大家說新年快樂後駕車離開。

另外,曾志偉兒子曾國祥與太太王敏奕最近頻頻現身醫院,原來曾母近來身體出現變化,要經常進行身體檢查,幸冇大礙,曾國祥與太太下午現身養和醫院,他們友善停步接受訪問,曾國祥還着太太除去口罩,他向太太笑說:「妳除咗個口罩啦!唔係人哋以為妳有咗。」可能敏奕未有化妝,故沒有將口罩除去。問到曾母經常進出醫院,現時情況如何?曾國祥說:「媽咪嚟做body check,例行檢查,因為媽咪身體有變化,所以要做多啲check up,冇乜大礙。爹哋都有嚟,走咗嘞。」

提到2020年將至,他們祝福大家:「希望大家開開心心,身體健康!」而他們今晚將與家人食飯慶祝,曾國祥又透露明天是敏奕生日,今晚當作預祝,他更自爆已買了禮物,此時敏奕即表現驚訝,問到他們希望生BB作禮物嗎?曾國祥望向敏奕笑說:「唔好搞呢啲嘢啦!媽咪都冇催,佢好free。」

娛聞樂陪你走遍全球追星,即Like「娛果」FB 專頁!
BannerBanner