【叱咤2019】陳柏宇想學識征服老婆 小儀嗚咽:香港人好難過

更新時間 (HKT): 2020.01.01 22:36

叱咤頒完唱作人三甲後,播出DJ跟歌手在學校禮堂圍爐,分享2019年學習到甚麼的短片,小儀想起逝去的愛犬,哽咽說:「我喺2019年學識乜叫放低,我嘅狗仔唔喺度,多謝佢畀我回憶,見證我人生高高低低,見到佢病見到佢痛苦,唔捨得佢離開,唔明白佢點解要走,慢慢日子過去,如果唔明白死亡係乜,唔可以向前行,呢個過程醫治自己,2019年香港人好難過,好在有鄧小巧嘅演唱會,醫治我哋心靈,多謝晒。」

謝安琪:「我今年學識喺舞台拋開好多顧慮,習慣好多人目光,忘記點睇自己,只係在乎人哋眼光,舞台上邊個唔想最發光,展示自己最好一面,但點先係最好,今年好認真探索呢件事,喺演唱會好享受做呢件事,更加鍾意舞台上嘅自己,我好多謝麥浚龍,多謝公司,我哋團隊有風格,雖然中間有質疑自己同其他人,但大家發揮力量做好自己。另外好多謝屋企人,今年(2019)自己拼博事業,多謝屋企老人家,今年漫長一年,心情好複雜,跌跌撞撞感受更多,了解自己更多。」

陳柏宇:「我喺老婆身上學到好多嘢,我老婆份人冇問題,有時做啲嘢唔啱我心水,同佢相處過程,學識到原來我同好多人都相處到,而家學點征服老婆,唔係被佢征服牽住鼻哥走。」

許廷鏗表示2018年已給自己一個課題,就是2019年要開心。說到此,許廷鏗語帶哽咽表示,因為當時公公離開了。他又表示,覺得自己已經好好彩,30歲才感受到失去。他又說以前常希望令人開心,但自己不開心,但完成紅館演唱會,可以好Proud of和公公講,他已經做到了。

娛聞樂陪你走遍全球追星,即Like「娛果」FB 專頁!
BannerBanner