【孖舊愛Happy】馮盈盈被質疑轉玩地下情:向前看啦!

更新時間 (HKT): 2020.01.01 16:16

洪永城與馮盈盈今日到沙田馬場出席元旦賽馬日活動,日前宣佈與醫生男友分手的馮盈盈,一身鮮紅色打扮現身,她說:「新一年希望好運連連,有更多工作。」曾於馬場兼職的她,與朋友合資投注贏了4位數幸運錢。馮盈盈笑指今日絕對要再買馬,試試自己的手氣:「我都有啲橫財運嘅,同埋之前有堪輿學家話我今年有啲運。」她表示會小賭怡情,準備投注10元至20元:「刀仔鋸大樹,單車都變摩托呀。」

問她的桃花運可好?馮盈盈笑言世事充滿變數:「好難講嘅,我會用樂觀、積極嘅態度去面對。桃花都係講貴人嘅,希望工作上遇多啲貴人。」

日前馮盈盈被拍得與前男友到嘉年華玩,她表示兩人再見亦是朋友:「我哋係朋友關係,(分手)入面有好多原因,我哋兩個最清楚,分開係最成熟嘅決定。上年回應嘅嘢就擺喺過去啦,我哋要向前看。」網民質疑兩人假分手變地下情?馮盈盈聞言即愕然地說:「絕對唔會咁做,我知大家好關心,不過唔需要搵咩原因啦,向前看啦。」

問她如遇新戀情可會接受?馮盈盈大方表示對所有事情持開放態度,至於可有追求者立即發功?她反應很大地說:「吓?又唔使咁急嘅。緣分最緊要,條件啱都要畀個天睇。」

洪永城與女友梁諾妍打得火熱,他透露昨晚除夕帶同女友到朋友位於赤柱的家慶祝。洪永城更自爆兩個新年大計:「我會同女友跑一次馬拉松,想去冷門啲嘅地方,可能去平壤,我覺得邊跑邊睇一個城市,係一個好好嘅方法。」

問他可會於終點求婚,洪永城「嘩」一聲,記者笑指他跑畢馬拉松累到跪地,時間剛剛好。他聞言大笑說:「佢好難追,我會加倍努力。」洪永城再透露今年第二個目標是同居,記者即指有馮盈盈這位「人辦」在前,他說:「呢個係情侶嘅必經階段,要接受對方嘅優點同缺點,match唔到都要勇敢面對。」他表示自置的物業將於2021年收樓,問他是否計劃今年同居明年結婚,洪永城即甜絲絲說:「朝住呢個步伐。」

另外,林韋辰今日亦現身馬場,一身藍色西裝打扮,見記者亦大方拍照:「今日有朋友邀請我黎,佢又有馬出,所以嚟支持下。」

娛聞樂陪你走遍全球追星,即Like「娛果」FB 專頁!
BannerBanner