【男友晒相放閃】陳庭欣紅爆現身 怕越描越黑唔想再提四角戀

更新時間 (HKT): 2020.01.03 21:17

陳庭欣(Toby)與身家過億的富商男友楊振源(Benny)拍拖一年多,男友早前被人貼街招,話他搭上Toby的女性朋友阿YU,更被指為「世紀大賤男」。之後又傳有前港姐、有「翻版陳妍希」之稱的陳潔玲做「小三」,四角關係非常複雜。Benny之後社交網貼上與Toby的錫錫相,以行動闢謠。

今晚,身穿鮮紅色西裝的Toby,心情極靚地到銅鑼灣出席電影煞科宴,Toby指自己在戲中做荷官,所以要學習派牌跟玩法。提到男友貼相放閃,她表示事前不知道對方會把貼片放到IG:「其實只係放咗好短嘅片上去,另外仲有啲片係有小三、小四、小五、小六,但係都係shabu shabu(鸚鵡)嚟嘅。」問到男友是否在派定心丸?她說:「唔係,有時都會放啲唔同嘅相上嚟,但唔係話專登放閃,鍾意嘅嘢都會喺社交平台度share。」

對於被指是儍港姐,Toby笑說:「30幾歲都畀人話儍,都幾可愛呀,大家唔需要太擔心我,總之資訊上面嘅嘢,都係由我哋兩個去post先最為正確,自己唔想解釋係因為越講會令人有越多諗法,加上另外嗰兩個女仔都係我嘅朋友。」Toby又指自己也是「過來人」,知道這些事情會令到她們不開心,故不想再提。Toby又指兩人中,跟阿YU較熟絡,至於陳潔玲就較少接觸:「阿YU同Benny係識咗好耐嘅朋友,比自己識得仲耐,所以每年新年有賭局,大家都會見面,總之今日着件紅色嘅衫出嚟,希望啲運氣番嚟,唔好再有咁多奇怪嘢出嚟。」

提到男友被貼街招,Toby指當中有很多不同的指控:「有啲仲牽涉埋政治,咁樣唔係咁好,而家大家嘅負能量係重咗嘅,好似我帶隻鸚鵡落街,都會因為佢係藍色而畀人講有政治立場,希望新一年大家可以多啲愛、多啲包容,無論咩顏色都好,始終人嘅生活中總會有分歧。」

娛聞樂陪你走遍全球追星,即Like「娛果」FB 專頁!
BannerBanner