【七次好愛變歷史 】吳千語對林峯婚訊唔講恭喜 同富三代戀情未昇華

更新時間 (HKT): 2020.01.03 21:10

林峯大除夕在社交網宣告與大陸模特兒女友張馨月結婚,這段戀情比以往與吳千語的一段低調,林峯與吳千語的5年情內,甚至公開連講7次「好愛」示愛,今日吳千語在銅鑼灣出席賀歲片《家有囍事2020》的煞科宴,千語BB當然成為焦點,她見到記者時主動講新年快樂,當記者問到會否恭喜林峯時,她即收起笑容表示:「又問?其實都已經講過,唔想將呢件事嘅焦點放喺自己身上,之前都回應咗,唔想再講,焦點放番我哋到啦。」

記者再度問千語「恭喜」兩個字真係咁難講出口? 千語表示:「總知之前我講到,大家去睇番。」之後,有記者問到她是林峯宣佈婚訊前定婚訊後講?千語說:「之前之後都唔重要,總知我有講到。」有指千語上年10月與富三代施伯雄翻撻,記者就問到她想不想快一點有人恭喜她,她說:「如果我有呢一日,我都想快啲公佈。」問到她是否蜜運中?千語未有正面承認:「而家身邊好多關心自己嘅人,之前都講咗,未去到下一個階段都唔會講,總知一有開心嘅嘢就會同大家公佈。」問到是否怕驚公佈戀情,她說:「唔係,因為自己而家做嘢上面有好多想法,例如2020年有一個新目標,做一個衫品牌,同運動有關,想做多啲自己鍾意嘅嘢,建立自己品牌,想焦點放番自己度。」

娛聞樂陪你走遍全球追星,即Like「娛果」FB 專頁!
BannerBanner