【真材實料】趙頌茹跟前AV女優學做日本人妻 被「人類最強Body」嚇呆

更新時間 (HKT): 2020.01.04 10:31
(ViuTV截圖)

趙頌茹(阿Yu)早前為ViuTV節目《一切從失婚開始》到日本拍攝,昨晚播出一集她跟另外兩位拍檔跟日本人學習人妻體驗,對方是著名前AV女優、有「人類最強Body」之稱的沖田杏梨,當3人見到對方豐滿身材時大感驚訝,阿Yu更鬼馬地用日語讚對方犀利,節目中她們有機會與沖田杏梨擁抱,阿Yu更抱了兩次,感嘆:「好舒服,係真㗎(真材實料)。」

阿Yu體驗做日本人妻的任務是節儉,要用5000日元(約360港元)到超巿買食物,在超巿職員幫助下阿Yu順利買齊物品,阿Yu觀察到日本人妻大多願意等夜歸丈夫回家後照顧對方:「我以前都係咁嘅,但離婚後覺得唔需要,要有自己作息時間。」其餘兩拍檔分別體驗餵人奶和做家務,沖田杏梨更親自示範餵人奶。

四人傾談時,沖田杏梨分享以前拍攝工作,在鏡頭前會表情誇張,而且動作多,但沒有真感情,現場也有很多工作人員,但現實生活不會有太誇張動作,反而很單純。她最後更祝福3位失婚婦人:「不要再愛上花心男人。」4人表現興奮更互相鼓勵叫加油。

另一邊廂薛世恒和葉蘊儀在烏克蘭跟當地一位年邁的家庭主婦學習煮食,更要在當地街巿尋找食材,葉蘊儀說:「我鍾意煮嘢食,會買食譜學,但有時會改動少少。」她自言不喜歡生活太形式化,從這種下廚態度可略見一二。而富家子薛世恒指以前到街巿買餸也要執正啲:「會有fans偷影,唔知自己個樣肉唔肉酸,我ok嘅,但隔離嗰個更加唔可以有肉酸樣,始終不方便,之後佢哋會要求合照。」二人學整水果餃子,薛世恒透露以往的婚姻生活不用下廚:「前妻好叻煮嘢食,所以唔會畀人掂佢個廚房。」

當二人訪問老婆婆,得知對方丈夫已過身,跟兒孫關係很好,育有一仔一女的葉蘊儀也感觸說:「仔女係最親密嘅人,猶如丈夫。當然仔女喺身邊就好似朋友,人大了需要人陪,如果有仔女同孫,大家庭唔會覺得寂寞。」薛世恒指自己曾跟外婆同住,外婆十分愛錫自己,後來跟父母住,每次再見外婆也會感動眼濕濕。

撰文:王連連

娛聞樂陪你走遍全球追星,即Like「娛果」FB 專頁!
BannerBanner