【香港特色】許廷鏗秉承前輩傳統 入紙紅館開騷堅持四面台

更新時間 (HKT): 2020.01.06 12:39

最近武漢發現不明肺炎個案,個案數字不斷上升,當人人都擔心情況時,洪卓立偏偏在大陸拍戲回港,昨晚他出席活動,透露自己在上海回來,拍攝場地在比較偏遠的地方,而疫情發生後,工作人員亦有防疫意識:「洗手間多咗洗手液、會煲多咗水,有時會煲薑茶。」他平時出埠工作習慣也會帶消毒用品洗酒店的地方,包括浴缸。稍後再回上海拍攝,直至4月回來,不會擔心,反而家人擔心膳食不足夠。而他在戲中要帶頭套,問他會否怕甩頭髮?他說:「啲人話本身冇甩頭髮嘅點貼都唔會甩,貼幾耐都得,如果甩開就會,暫時我冇呢個煩惱。」

同場還有許廷鏗表演,他於叱咤頒獎禮分別得兩個獎,事前家人不斷追問他知不知道賽果,他說:「其實男歌手排名,我當日下午已知,但一定要忍口唔講,阿哥不斷問,後來宣佈賽果得銅,佢就話如果可以問鼎金就好喇,我反而係平常心,得獎係對團隊緊要啲,代表大家一年嘅努力。」新一年他將會再入紙申請在紅館開演唱會,仍然開4面台,他說:「上次做完我覺得好過癮,香港做騷先有呢個效果,同觀眾近距離,秉承前輩歌手喺紅館開4面台嘅特色。」見到張學友開百多場騷,氣力有增無減,自己在能力上不能有藉口,更希望如對方一樣在不同國家巡迴。最近他亦在加拿大某頒獎禮得歌曲獎,他稱將來可考慮到當地開騷。

娛聞樂陪你走遍全球追星,即Like「娛果」FB 專頁!
BannerBanner