【新人冇壓力】蔡思韵演出獲好評 有望挑機鄭秀文

更新時間 (HKT): 2020.01.06 14:55

蔡思韵(Cecilia)近日與劉俊謙出席多場電影《幻愛》優先場映後分享會,Cecilia被評有機會入圍金像獎最佳女主角,或有可能與大熱的鄭秀文、鄧麗欣一較高下。對於電影未正式上映已獲評有機會入圍金像獎女主角,Cecilia說:「佢哋兩位係我好尊敬嘅前輩,如果可以入圍當然會開心,不過我始終係新人,冇壓力,就算冇都冇所謂。」

Cecilia說《幻愛》是她入行以來演過最複雜的角色,導演周冠威早在拍攝前一年已找她試鏡:「導演睇過我喺《短暫的婚姻》嘅演出,好快confirm我,佢話我唔係準備得最好,但係做得最好,可能因為導演鍾意比較成熟感覺女仔。呢個角色雖然表面上同我年紀,外形都好接近,但內心世界其實好複雜,有不同嘅面向,內心世界同表面有反差。」跟對手劉俊謙首次合作,她坦言雙方能建立默契,最大原因是導演帶領下密集讀劇本和排戲,一起找到了情緒。她自言不是一個會讓自己沉溺在痛苦中的人,雖然演完一個沉重的角色,但很快就抽離角色,好好跟角色道別。

娛聞樂陪你走遍全球追星,即Like「娛果」FB 專頁!
BannerBanner