【娛講Video Talk】《造星II》三子接受挑戰玩心理測驗 結果原來意想不到

更新時間 (HKT): 2020.01.06 23:11

新一季的《全民造星II》已經圓滿結束,結果由賽前大熱Phoebus(吳啟洋)奪得冠軍,亞軍MC(張天賦)和季軍是Oscar Li(李祉均),今集《娛講》Video Talk找來他們三人聯同人妻茜利妹,分享入娛樂圈有甚麼不習慣的地方,及當日比賽的難忘事!

《造星II》三子得獎後,其中一樣要做的工作,就是接受各大傳媒的訪問,面對各類問題,對他們三人而言當然有點難適應,但今次對着出名「啜核」的茜利妹,竟然產生了化學作用,出來的效果亦搞笑!茜利妹在節目中,準備了一個關於個性的心理測驗,題目是「究竟幾時沖涼」,可以選擇答案A 吃飯後洗澡、B 吃飯前洗澡、C 習慣看電視後才洗澡、D 習慣上床前才洗澡、E 早上起床後洗澡和F 習慣和家人輪住洗澡,第一個回答的是Oscar,他說:「有冇一個係返咗屋企就會沖涼?」茜利妹笑稱他超出選擇範圍,只可以選擇一個最接近,接着到MC說:「我係朝早沖涼!」茜利妹說:「等我分析咗先,原來你係屬於經濟型嘅人,比較精明 對數字有觀念,對理財有一套,對任何事都有周詳計劃!」MC續說:「係啱一半,我一向都好大使!」茜利妹笑言他還年輕,年長後會好點!最後Phoebus表示是飯後洗澡,茜利妹笑說:「係慢條斯理型喜歡在洗澡時重整思緒,兼悠遊自在,呢種人唔會情緒化,唔會隨便流露思緒!」雖然Phoebus覺得有點相似,不過茜利妹說:「唔緊要o架,其實重點都畀大家想像你哋沖涼!」

茜利妹表示在節目上最愛聽到Phoebus用「免費巴士」介紹自己:「如果而家有fans問想答免費巴士,唔知你又會點? Phoebus笑稱:「而家唔會喇!」她又問到Phoebus會否覺得自己是實至名歸?Phoebus說:「其實我自己覺得如果《全民造星》係全面性嘅人,我諗係的中咗呢個條件,但係如果我係評判,我會揀Justin。」 MC說:「雖然我好揀自己,但係我覺得自己未到冠軍呢個位,我自己心目中會揀Bryan同JJ。」Oscar又說:「我會揀JJ,因為佢成日都畀我蝦!」再問他們覺得那個說話最得體?Phoebus說:「我會揀Oscar,但係有陣會覺得佢太自我,佢係會修飾啲說話,但係有陣會加插大量個人意見。如果要中立就會揀自己。」

Oscar說:「其實一啲都唔得體,太過大情大性,反而Phoebus得體好多,真係可以去從政。」MC又說:「一定唔係我喇,我反而鍾意Oscar嗰種說話態度,好直接瀟脫,會聽到啲道理。」眾所周知,《造星》監製花姐一直視姜濤為頭號將,不知道他們又有如何方法奪取花姐的歡心呢?Oscar說:「好難做到嘢討佢歡心喎,我覺得花姐係錫我,但係唔又就晒我,反而着重我呢喺呢個比賽裡面玩得開唔開心,擔心過我會唔會吃力。」 MC說:「其實我覺得麻麻,講笑啫,花姐係唔會表現畀你睇,佢會喺背後默默關心。」Phoebus說:「佢提醒咗我一樣嘢,試過有一咪冇咗聲,返到後台狂喊,花姐好快就到咗,坐低陪我。佢係好鍚好多人,係一視同仁。」

至於說到未來娛樂圈發展,Oscar自爆直到今時今日未知自己的前路,但是撇除合約或簽約問題,大家都也有意向在娛樂圈發展。

娛聞樂陪你走遍全球追星,即Like「娛果」FB 專頁!
BannerBanner