【楊明甩底】胡說八道會想做舞台劇 姚子羚派「巴辣」角色畀豹嫂

更新時間 (HKT): 2020.01.10 21:20

袁偉豪、黃智雯、蝦頭及錢嘉樂主演的搞笑古裝舞台劇《今晚打老虎》,昨晚在灣仔演藝學院首演,胡說八道幾位好姊妹胡杏兒、姚子羚及李施嬅來捧場,她們表示專誠來為黃智雯打氣,果然姊妹情深,此外張寶兒亦來支持男友袁偉豪。

談到演出舞台劇,姚子羚表示:「我都好想有機會做,其實我好細個時曾經做過,但當時做完唔係好明,因為好藝術性,真係做完都唔知做過乜,我希望有機會有人搵我哋胡說八道會一齊做舞台劇。」在旁的胡杏兒即說:「好呀,最好係古代或者民初,因為啲衫靚,但未諗做咩故事。」姚子羚笑言若有「巴辣」角色最適合由豹嫂胡蓓蔚及黃智雯演繹,而胡杏兒則笑謂想扮演少女,因現在已是兩子之母。

張寶兒今晚撐男友,是否會在後台服待兼準備湯水給男友?張寶兒表示:「唔好咁講,支持啫,佢後台全部都係食物,好多朋友好有心。」看到袁偉豪和蝦頭親熱戲會否尷尬?她謂:「我只喺後台睇電視,再親密佢都做過。」原本出席名單還有楊明,但她女友莊思明日前投訴在乘坐國泰航班時空姐無視,一怒之下公開航班空中服務員名單公審,卻可能違反「刑事起底」條文一事,相信楊明怕被追問而「甩底」。

娛聞樂陪你走遍全球追星,即Like「娛果」FB 專頁!
BannerBanner