【告別黎小田】泳兒苦練梅姐經典作品 衛蘭林德信演出忠於原唱

更新時間 (HKT): 2020.01.10 23:15

薛家燕等人今晚舉行音樂會悼念黎小田,並將收益捐出讓年輕人學音樂。音樂會上亦有不少年輕一輩歌手如泳兒、小肥、衛蘭、林德信、陳明憙、天堂鳥等演出。今晚幾合年輕歌手當中,衛蘭與林德信最能唱到原本作品的風格,衛蘭唱出一種少女甜蜜的感覺,而林德信就演繹到哥哥口音的味道。

泳兒分別出兩首經典作品《飛躍舞台》、《傳說》,她受訪時表示知道要唱這兩首歌都覺得好有難度:「好緊張,覺得係大挑戰。」《飛躍舞台》是梅艷芳的經典作品,泳兒事前有思考如何演繹,並為演出落苦功:「有苦練,噚日做完嘢返去都有默默練。我個key同梅姐唔同,我比佢高,唱佢嗰個我唱唔到,我自己都升高咗兩度,梅姐真係好犀利,今次唱歌真係學到嘢。我唱之前都睇咗好多梅姐片,睇佢唱live,雖然以前同而家音樂係唔同,但都覺得佢好有感染力,希望自己將來喺音樂上都遇到伯樂,為我作到首咁好嘅歌。」黎小田曾於《流行經典50年》與泳兒合作,亦承諾會為泳兒寫歌,泳兒對未有兩人合作的作品面世覺得遺憾。

其後衛蘭與林德信分別唱出唱《風箏》及《我願意》,衛蘭表示黎小田的歌由旋律到歌詞都好簡單,演繹時能感受到當中開心的感覺。她又說以前曾唱過黎小田的歌,到今日才發覺:「嘩,好多歌都係佢。」而林德信就透露演出前重溫了好多哥哥的表演:「事前都睇咗好多哥哥嘅表演片段,冇特別諗演繹方法,自己跟住去唱,因為已經有高人設計咗風格,已經夠經典。」

娛聞樂陪你走遍全球追星,即Like「娛果」FB 專頁!
BannerBanner