【立場好堅定】黎瑞恩撐警飯局唔怕豬隊友:啱就繼續做

更新時間 (HKT): 2020.01.10 23:25

黎瑞恩今晚出席《To 小田With Love Forever 音樂會》悼念黎小田,早前黎瑞恩、朱庭萱等出席撐警派對,與藍絲及一班警察食飯。黎瑞恩今日受訪時表示:「我唔會理人,覺得啱嘅嘢就繼續做。」朱庭萱爆粗鬧過豬隊友,不可以擺相上網,黎瑞恩就覺得冇所謂:「其實去得就唔驚,我都係去食飯做啲正經嘢啫,係咪?」

而今晚黎瑞恩表演時在台上說:「見到run down嘅歌,都係陪住我成長。」她表示曾在音樂節目與黎小田合作,又憶述有次綵排前,與黎小田jam歌玩了4個鐘,又讚黎小田認真,對燈光這種小細節都有要求。

杜德偉今晚表演時就說:「識咗好耐,以前一齊做過一張唱片,亦師亦友,佢同我父母都好有淵源,大家都知同佢傾偈係有好多共同話題。」他受訪時又講到很早就與對方認識:「參加新秀時佢係評判,佢畀咗好緊要嘅意見我,我唱英文歌參賽,佢建議我唱廣東歌,最後又有叫我唱最有把握嘅歌,鼓勵我唱英文歌,都係我伯樂。入咗華星後,佢幫我監制唱片,當時做10首歌要好多時間,喺錄音室對咗好耐,佢令一個歌手唱歌時好自然同舒服。」兩人無所不談,杜德偉說:「佢話偶像係我爹哋,因為我爹哋都係音樂總監,爹哋都有玩樂器打鼓,佢好鍾意聽我爹哋打鼓,亦聽過佢講我父母拍拖嘅事,呢啲我本身都係唔知。」

娛聞樂陪你走遍全球追星,即Like「娛果」FB 專頁!
BannerBanner