【煞科食撻】陳庭欣收工又食又拎 宣萱瞪大眼望到實

更新時間 (HKT): 2020.01.13 21:15
(IG圖片)

近日忙於拍戲的陳庭欣(Toby),與彩豐行老闆男友楊振源(Benny)拍拖一年,即使近日二人感情,疑出現第三者、第四者,但沒有影響二人的感情。早前有份演出劇集《多功能老婆》的Toby,昨晚不見她現身大台的頒獎禮,原來她今日要為一部新戲開工。

今日Toby在社交網貼了一段自拍片,片中有她和拿住蛋撻的宣萱,身邊還有三位型男陳安立,胡卓希和黃煒東,大家齊齊食蛋撻。Toby在片中說︰「有啲人收工即刻食嘢。」宣萱接住說︰「唔係即刻,係一個收得工都唔走,等一個鐘為咗鹹蛋黃撻。」Toby再說︰「你係開工時keep住食嘢,開工前又食、收工又食嘢,呢邊都係掛住食嘢,但其實我都食嘢,不過攞走,我哋今日煞科啦!」由於Toby將餅盒搖晃會弄碎,宣萱緊張地瞪大眼望住盒蛋撻。宣萱還表示自己仍未煞科,故Toby即改口︰「我煞科啦!」

之後Toby留言寫住︰「我的戲份完成啦!今次戲入面我又跑、又跌、又趴、又仆、又爆炸,又噴血……今日正式煞科食番幾件撻慶祝吓先。好開心今次同萱萱合作,更開心嘅係我哋好快又會一齊開工,仲有我條team,有好多帥哥——陳安立、胡卓希、黃煒東。仲有謝謝我化妝師小花一直陪伴!」

雖然Toby沒有透露她拍緊那一部戲,但早前她與劇組其他演員,曾在鬧市拍戲,同場還有古天樂、張智霖,有指該片是《風暴》系列電影,而Toby兩年前亦參與過電影《L風暴》的演出。

娛聞樂陪你走遍全球追星,即Like「娛果」FB 專頁!
BannerBanner