【與追求者約會中】葉璇叫大家別問感情事 轉問自己幾時死

更新時間 (HKT): 2020.01.14 17:16
(攝影:張明)

葉璇今日去到港台接受陳圖安訪問,分享處理財富心得。知道舊戰友馬國明攞視帝,葉璇與馬國明多次合作演情侶,日前亦有恭喜對方,對於會否相約現在單身的馬國明,她說:「我唔係單身,而且佢咁大年紀,冇理由冇人約,佢可以搵啲高質素、有氣質、有學歷嘅女仔,相信佢有人追,唔使搵我。」

對於感情生活,葉璇一再澄清與拍拖數年的小默已經和平分手,大家仍有聯絡,現在有與追求者約會,她說:「自己通常喺北京,對方喺上海,分開異地係麻煩啲,因為要放低自己嘅工作要去到另一個城市,就算之後遇到,我都唔會放低自己嘅工作。」

葉璇表示,以前都會考慮生小朋友,而且都有雪卵做準備,她說:「小朋友只係人生嘅一部份,唔係必要。」葉璇指現在醫學科技進步,不擔心遲生仔,她笑言:「好似我20年前做咗激光矯視,而家雙眼仍然保持得好好,感覺啲人冇咁容易死,大家唔使問我成日問我感情事,可以問下我幾時死。」

採訪、攝影:張明

娛聞樂陪你走遍全球追星,即Like「娛果」FB 專頁!
BannerBanner