【戲假情真】蔡思韵挾《返校》回流香港 拍周冠威愛情片《幻愛》

更新時間 (HKT): 2020.01.18 06:00
(攝影︰沈健程)
(社內相)

36年前《陰陽錯》是人鬼戀淒美的遺憾,周冠威導演、蔡思韵主演的電影《幻愛》,以精神病康復者的苦戀,填補了這份缺憾。

現年25歲的蔡思韵在中學時期看過《十年》,當時感覺會在很久以後的事,她說︰「就好似一些唔知道幾時會發生嘅事,而家睇會有另一種感覺。我係睇咗《十年》嘅《自焚者》認識周冠威導演。」因為在台灣讀書,又拍了台灣電影《返校》演戲中老師,很多人誤會蔡思韵是台灣女孩子,她再次澄清說︰「我喺香港出世、香港長大,我當然係香港人。返香港拍戲唔係好習慣個節奏好快,不過都可以嘅。」80年代是港片黃金時期,那時的張曼玉、鍾楚紅風華正茂,蔡思韵亦有所聞,不時幻想假如生於那個年代的景況,她笑說︰「可能我呢啲新演員,又未必有咁多機會,都會搵咗啲巨星先。」

今趟找演員導演周冠威有些趣事可以分享,他笑說︰「我覺得呢套戲對演員係有吸引力,有得發揮、由頭擔到尾,第一女主角、第一男主角。我作為新出道導演,邀請你做試鏡,無論如何都點都會試一試。而且又唔使除衫、又冇床戲,有啲嘅回應好快就話冇時間,同佢再約都係話冇。我就覺得好奇怪。」他笑言有些回覆更直接,表示「我經理人話唔得,唔可以同你合作」,有部份試完鏡到臨簽約一刻,被經理人公司老闆親自煞停︰「都傾到七七八八,嗰時感覺係晴天霹靂。」事後回想周冠威都頗肯定跟《十年》有關。身旁的蔡思韵被問到為何如此「大膽」時,周冠威忍不住搭嘴說︰「佢哋細膽啫。」蔡思韵笑言拍的是一個愛情故事,沒想到那麼複雜,她笑說︰「我都拍咗《返校》啦。覺得唔擔心,作為一個演員的工作,是專注表現,其他事情我控制唔到,經理人公司亦都好尊重我意願。」而早前蔡思韵宣佈名花有主,跟《幻愛》男主角劉俊謙拍拖。

《幻愛》故事講述小學教師劉俊謙,是精神分裂症康復者,他渴望愛情卻不敢戀愛。偶然下認識心理輔導員蔡思韵,心生愛意,但他又對同邨的欣欣未能忘情。周旋於虛幻與真實、被計算的愛情之下,劉俊謙陷入一段曲折懸疑的苦戀中。

娛聞樂陪你走遍全球追星,即Like「娛果」FB 專頁!
BannerBanner