【小心方丈】許廷鏗揀ViuTV棄勁歌頒獎禮 睇好多平台成大趨勢

更新時間 (HKT): 2020.01.18 19:05
(右圖攝影:仇志德)
(社內相)

男子組合MIRROR、ERROR、許廷鏗、李幸倪(Gin Lee)、陳潔靈、Dear Jane、釗鋒和AGA,今日在九龍灣參與ViuTV慈善電競音樂會的拜神儀式。

對於無綫今日錄影一年一度的「勁歌金曲頒獎典禮」,許廷鏗卻選擇踏入ViuTV,首次參與該台的慈善節目,他說:「總之我喺呢邊,我嚟都係人哋揀,今日為慈善不遺餘力。」Gin Lee則表示好耐沒有出席勁歌頒獎禮。會否覺得可惜?她說:「唔……我諗對歌手嚟講,多啲平台係好啲。」許廷鏗說:「而家網上平台多咗好多選擇,我都盡量open up多啲唔同嘅可能性,例如網上嘅樂評人都會搞頒獎典禮,我覺得係嚟緊嘅大趨勢。」Gin Lee亦表示贊同:「你講嘅嘢都啱,好多嘢都去咗online嗰邊,其實我覺得好新鮮,好似今次搞電競咁。」

MIRROR指首次參加慈善騷,希望大家多多益善。提到打機,呂爵安(Edan)表示不會沉迷,只會在休息時間與隊友們一起打機作樂。是否打機看真性情,大家望一望姜濤,Edan說:「我哋喺美國之旅,姜濤未同我哋好熟,我哋用打機衝破隔膜,佢突然間攞副眼鏡出嚟戴,跟住就話『Who is the best?』佢開心過贏《造星》。」姜濤笑說:「去咗10日,輸咗7日,到第8、9日嘅時候,我終於贏咗幾鋪。」問他是否豬隊友?姜濤笑着望向隊友江熚生(Anson Kong)說:「我想認,但有一個仲勁。」Anson隨即說:「係,我打機唔叻。」

娛聞樂陪你走遍全球追星,即Like「娛果」FB 專頁!
BannerBanner