【新生代導演】周冠威未見到有「周星馳」︰要再累積一下

更新時間 (HKT): 2020.01.18 06:00
(攝影︰沈健程)
(社內相)

近年學院派電影人湧現,黃進、陳志發、陳小娟,他們拍的《一念無明》、《點五步》、《淪落人》,展現新一代電影人魅力。不過周冠威自爆這群同路人的死穴,他笑說︰「我哋無法拍武俠片,冇一個可以。唔好意思,講得比較偏激,即係我冇信心拍武俠片,或者要再畀我多十年。」

同時這班導演中亦沒有一個「周星馳」,可以獨立處理一套娛樂片,他笑說︰「即係好大眾嘅娛樂片,我哋嘅題材,相對寫實,我呢套《幻愛》都係講精神病人嘅愛情故事。暫時呢群新導演之中我未見到『周星馳』、我未見到『徐克』。我唔想以偏概全講一件事,話新導演題材都係較小眾,或者係偏鋒少少。」他表示很難用一條線去界定商業或藝術電影,事實是在學院都是教看歐美電影,在土壤上跟80、90年代的導演不同,所以顯現的藝術性也不盡同。個人而言周冠威兩者都喜歡︰「我同樣喜歡好藝術性嘅電影,我好鍾意奇斯洛夫斯基(已故波蘭導演),我都好鍾意史匹堡嘅電影。」他認為健全市場應該藝術與商業兼容,但香港比較獨立。要期待再一輪的新浪潮,周冠威說︰「呢群人需要多點機會累積,我覺得而家未到爆嘅時候,要再累積一下。」

娛聞樂陪你走遍全球追星,即Like「娛果」FB 專頁!
BannerBanner