【桃李滿門】何家勁開金口撐恩師 袁文傑爆「游生」原型為張之珏

更新時間 (HKT): 2020.01.18 23:15

製作人張之珏晚上在北角新光大劇場,舉行「A Life Moment with張之珏&Friends群星慈善音樂夜」,慶祝70大壽與入行50周年,一眾門生與演藝圈好友包括何家勁、黃建東、袁文傑、張達明、古巨基、薛世恒、唐貝詩、尹飛燕和張之珏細妹張寶之等都有現身支持,活動收益更會撥捐護苗基金及幫助戲劇藝術發展。

演出前眾嘉賓先在台前影大合照,但張之珏卻因喉嚨不適未有受訪。而張之珏的徒弟何家勁,受訪時就稱雖近年已移居大陸惠州,專心打理健康食品生意,但師父開騷定必支持並會獻唱兩首歌。他稱跟張之珏結緣在麗的年代,到後來亞洲電視期間更提拔他拍首部電視劇。何家勁透露在惠州除食品工廠外,更將廠房改建為旅遊景點,他說:「所以嚟緊農曆新年都冇假放,好多遊客會嚟我呢度,平時招待好多香港人。」問到可有再拍劇打算?何家勁說:「我10幾年冇拍㗎啦,如果有啱嘅都會考慮。」

另外,同樣任嘉賓的袁文傑就表示早在90年代初加入無綫訓練班時,張之珏就是訓練學院院長,他說:「嗰時見到張Sir係好驚,因為佢好Cool好有威嚴。」袁稱後來飾演「游生」這角色時亦是參考張Sir而來:「嗰啲講嘢唔望人,好有霸氣嘅感覺,全部係套用自張Sir。」提到張之珏近年開始執導舞台劇,袁文傑坦言相當有興趣嘗試,他說:「我而家公開呼籲張Sir,如果下次開劇記得要預埋我一分。」

演唱會中打頭陣的有古巨基,甫現身即向觀眾表示,今天張Sir的70大壽,祝願他身體健康,食得玩得瞓得,隨即在一班學生的伴奏下唱出《初心》、《愛與誠》及《當年情》。基仔台上透露跟張Sir結緣自無綫藝員訓練班,從後台步出的張之珏就大爆原來當年基仔數度面試時其實不夠分入圍,張之珏說:「佢雖然冇咩樣貌,但我鍾意佢聲線,於是放佢入waiting list,終於復試真係有人無出現,於是就可以讀訓練班,到畢業後見佢冇咩表現又怕醜,但好乖,我再介紹佢去做娛樂新聞。」

娛聞樂陪你走遍全球追星,即Like「娛果」FB 專頁!
BannerBanner