【十大中文金曲】謝安琪冧莊最優秀流行女歌手:邊個時期嘅我都好真實

更新時間 (HKT): 2020.01.19 22:03
(社內相)

本年最後一張樂壇成績表由港台頒發,今年港台取消了實體頒獎禮,改以錄製節目方式宣佈得獎者。

最優秀流行男/女歌手由張敬軒和謝安琪冧莊,第二度獲此獎的謝安琪說:「邊個時期嘅我都好真實,呢個係累積返嚟嘅我,包括期許嘅我,想你哋認識嘅我,今年自己做咗好多新嘗試,自己係好正能量嘅人,演唱會以誤解為題材,自己係一個歌手,喺歌曲裏面哽咽會照唱,發脾氣就發脾氣,得到回應好多樣化,成日覺得創作如果牽動到大家情緒係好好,我覺得共鳴唔一定要經歷同一件事,做創作要真心,自己都要心跳冒汗,先有機會觸碰其他嘅心。」

而「最佳樂隊/組合」的三甲分別是,銅獎:小塵埃;銀獎:Dear Jane;金獎:RubberBand,RB說:「今年出道十一年,隨時間我哋喺呢個城市做音樂,好多靈感係呢個城市畀我哋,變咗我哋嘅精神,首先要做嘢感動自己,再同聽眾講,呢個係我哋方向,樂迷多謝我哋,唔會覺得自己偉大,佢哋話覺得感動,令我哋好開心,最難得係我哋可以用廣東話分享諗法。」

娛聞樂陪你走遍全球追星,即Like「娛果」FB 專頁!
BannerBanner