【各地錄歌】RubberBand阿正日本慶祝絲婚 老婆圓夢搵爵士樂手錄碟

更新時間 (HKT): 2020.01.19 16:30
(社內相)

樂隊RubberBand隊長馮庭正(阿正)與太太、馬來西亞環球小姐冠軍兼爵士樂手尚羚(Sherine,原名黃淑玲)日前在日本慶祝結婚4周年,二人原來日本留了一個月,又去北海道滑雪,又去了東京,結婚紀念日就去了洞爺湖山上的酒店食法國餐慶祝。

《蘋果》問到Sherine日本之旅的點滴時,她表示豐富,還有意外收獲,就是完成她第二隻爵士大碟的錄音,她表示去年8月已開始錄音,專輯更去了世界不同城市錄音,如荷蘭、紐約、馬來西亞及香港:「之前喺唔同城市,好幸運搵到當地好好嘅音樂人一齊錄歌,已經錄咗8、9首,希望可以喺12月完成呢個心願,因為幾年前去完意大利上爵士樂音樂workshop,之後下一年去咗波蘭再上堂,就開始咗每去一個地方都想同當地音樂人合作。」

直至上個月,Sherine就陪老公去日本滑雪,皆因阿正是滑雪發燒友,她表示:「我鍾意滑雪鍾意到去考教練牌,呢幾年我哋都去,我就諗好想喺嗰度錄歌,想搵留喺當地表演嘅美國爵士樂鼓手Gene Jackson合作,我一直都有email佢,佢都無覆我,搵咗好耐原本想放棄,後尾我喺東京合作過音樂人原來識得佢,佢哋同Gene Jackson講我嘅構思,佢就即話OK,同夾到時間佢喺札幌嘅Jazz Bar演出時間,所以好開心,好完美。」

娛聞樂陪你走遍全球追星,即Like「娛果」FB 專頁!
BannerBanner