【網民呼籲罷睇】王晶對香港票房冇壓力:冇乜所謂,內地排咗情人節上

更新時間 (HKT): 2020.01.20 23:01
(攝影:陳俊強)
(社內相)

周勵淇(Niki)原定今日出席有份參演電影《肥龍過江》首映禮,但她下午於網上宣布懷孕喜訊,並抱歉未能出席首映宣傳,今晚甄子丹一家四口、王晶及女兒王子涵、呂良偉夫婦、湛琪清與丈夫、張繼聰、林曉峰、丞威、周俊偉及泰臣等現身九龍灣會場,在台上子丹大讚王晶內裏仍有好多潛能未發揮,應該減少拍屎尿屁作品,改拍用心之作。

對於Niki成為準媽媽一事,子丹指前幾日已得知喜訊,他說:「前幾日佢(Niki)咿咿哦哦,又話有啲嘢想講,我就恭喜佢,因為拍《肥龍》時都唔知佢有個愛人,拍拍吓就有愛人,我已經叫佢快啲手,生多幾件,恭喜佢,係人生重要事,叫佢好好安胎。」

戲中演一名肥佬,子丹坦言有挑戰性,因為劉德華演《瘦身男女》時的肥佬太鮮明及收得。至於票房方面,子丹表示沒有壓力,希望新春期間大家部部電影都支持。問到是否接拍新版《倚天屠龍記》?他說:「我只係過鏡,露一吓面,同古天樂一樣。」新春將會到荷李活開會兼度假,之後便接拍羅志良導演的新戲,今次是演文藝戲。身兼監製的子丹大讚王晶打肥螳螂拳精采,更加是愈打愈肥,因為每次打完都大食一餐。

王晶表示拍攝時東京天氣寒冷,拍攝時都辛苦,問到對票房會否有壓力?他說:「冇乜所謂,呢部內地排咗情人節上,香港夾到就上埋香港。」被問到有人呼籲罷睇,他說:「政治唔講,如果因為政治而罷睇係冇得計算在內。」提到有報道指朱晨麗接拍《倚》,他大賣關子表示尚未可透露。

娛聞樂陪你走遍全球追星,即Like「娛果」FB 專頁!
BannerBanner