【妹妹爬頭結婚】趙慧珊求籤期待好姻緣 林奕匡自稱成功媒人

更新時間 (HKT): 2020.01.20 17:46
攝影:羅慧敏

歌手趙慧珊(Aka)去年單飛發展,在過去的頒獎禮中大豐收,分別奪得勁歌「傑出表現獎」(銅獎),事業得意,可惜情場卻失意,感情依然一片空白,今天Aka與林奕匡(Phil)於商台接受訪問,宣傳他們合作的一個賀年節目《財神到》,他們更互爆對方的秘密,Phil爆Aka之前去求籤,Aka努力求姻緣,她說:「都話好好嘅,不過要等到年尾,要經歷吓口喝先,仲話嗰個係我已經識嘅人,叫我出席多啲聚會,不過我身邊唔多單身嘅男仔,個個都一pair pair,所以都打定輸數,不過都有期待嘅。」Phil自爆是一個成功的媒人,最近曾經在他的一個聚會中撮合一對好友,Aka聽後笑說:「咁我初一至初七都去Phil屋企等。」Aka的妹妹前日結婚,被妹妹「爬頭」,Aka毫不介意,更感動得喪喊,她說:「佢結婚真係開心過自己攞獎,佢喺香港擺兩場,返大陸擺一場,好似巡迴咁,我會陪住佢。啲人話妹妹爬頭要捐我褲襠,但係我唔畀佢捐,不過就掛咗一塊紅布喺酒店門口,當係我褲襠,佢爬頭我絕對冇所謂,我要加把勁。」

而Phil則問師傅生仔的問題,Aka笑Phil問師傅的時候勁尷尬,怕羞得面也通紅,Phil笑說:「問嘅時候真係好尷尬,不過真係講得好準,話我未有住,其實我哋都係計劃中,未必係今年。」

採訪:羅慧敏

娛聞樂陪你走遍全球追星,即Like「娛果」FB 專頁!
BannerBanner