【街頭激咀】「細龍太」陳偉琪認與外籍男認識中 怕報道嚇走追求者

更新時間 (HKT): 2020.01.22 13:34

《蘋果》昨日獨家爆36E大台咪神「細龍太」陳偉琪,日前身穿性感低胸短裙,在灣仔與外籍西裝男拖手互錫,而且涉酒後駕駛的她亦打破自己的「禁酒令」在酒吧中飲酒,今日她到將軍澳電視城出席宣傳活動時,被問到激咀一事,她承認與外籍男認識中:「希望大家可以畀少少空間我哋認識,我驚報道後人哋嚇窒咗,唔敢再追求我。」問到是否已破「禁酒令」,陳偉琪解釋,指當晚只是叫了一杯酒精份量很少的蘋果梳打與外籍男share飲:「我只係飲咗幾啖,所以完全冇嘢,我又冇揸車,所以冇嘢嘅,啜一啜啫唔好咁嚴謹。」

而陳偉琪亦表示自己與拍拖3年的健身教練兼老闆男友Billy Tam早已分手:「其實我哋散咗好耐,不過冇大事公告,因為呢啲又唔係光彩、或者好開心嘅事,所以我都冇同大家講。」

娛聞樂陪你走遍全球追星,即Like「娛果」FB 專頁!
BannerBanner