【2月飛土耳其】陳慧敏與男友共度情人節 何廣沛過年要瞓足3日

更新時間 (HKT): 2020.01.23 16:55
攝影:羅慧敏

歌手陳慧敏(Vivian)早前去背包旅行100日,在土耳其遇上現任男友、危地馬拉男子P先生,今天Vivian到商台宣傳新歌《莫名哀傷》,她笑言宣傳後便收爐,會放假至下月頭,問到會否到土耳其探望男友?她說:「都好想過去搵佢,但係已經買咗2月嘅機票,諗住去一星期,一齊過情人節,佢而家喺土耳其我哋相遇嘅hostel度住。」

Vivian又指男友正在當地學校教西班牙語,在僅有的資源下也花費買電話咭與她聊天,她說:「佢大約有1,500元港幣嘅人工,用咗約450蚊買上網咭,佢都有留意中國嘅情況,佢都有擔心,仲叫我過去唔好返香港,我都好感動,不過我好想做嘢。」

另外,藝人何廣沛也到商台宣傳新劇,提到劇中一場跟朱晨麗及龔嘉欣在車碌落山的場口,他大呻有血有汗,他指拍攝過程驚險,猶如坐過山車,他更讚揚武指與工作人員的功勞大,更爆有負責吊威也的人弄傷。他又提到正在趕新劇《食腦喪B》後便過年,今早拍攝至朝早7時才睡覺,只睡得兩小時,他說:「新年有3日假,拍埋聽日年三十晚就收爐,可以同屋企人食團年飯,食完我就要瞓足3日,準備初四開工。」

採訪、攝影:羅慧敏

娛聞樂陪你走遍全球追星,即Like「娛果」FB 專頁!
BannerBanner