【武漢肺炎】顏子菲原定返南京過年 受疫情影響或無緣團聚

更新時間 (HKT): 2020.01.23 13:33

顏子菲、張崇基、張崇德、趙哲妤、駱胤鳴昨晚到尖沙嘴出席新片《怪醫D老篤》首映禮。顏子菲現在專注教學跳彈牀運動,她表示有不少學生冒名而來求教,並說︰「學生男女都有,但男仔唔係一對一,有學生係想見我真人而報讀,好開心有學生支持,冇白費我想盡方法折磨佢哋。」顏子菲表示,正考慮學習肌肉按摩等不同知識,為自己工作增值相關知識。顏子菲每年新年慣常返鄉,原定農曆年會回南京探望公公婆婆度歲,但家人擔心大陸疫情,所以勸她先觀察兩星期再作決定。

駱胤鳴圈外男友日前跪地求婚成功,對於過程駱胤鳴卻滿腹牢騷,她說:「我嬲自己冇化妝,如果知佢求婚我着番條裙先,點解我咁樣衰,叫佢不如求多次。」駱胤鳴透露其實去年已經開始籌備婚禮,已訂了婚宴場地,不知為何對方沒有求婚,定了12月27日設宴25圍,當天下午會註冊,她說︰「本身旅行結婚,但四大長老期望擺酒,諗住出門儀式、玩新郎都唔搞,但奶奶話新郎要玩咁就做啦。」

採訪:張明

娛聞樂陪你走遍全球追星,即Like「娛果」FB 專頁!
BannerBanner