【疫情嚴重】馬國明新年取消大陸商演 今赴新加坡工作順道掃口罩

更新時間 (HKT): 2020.01.28 15:01

自早前武漢肺炎在大陸爆發後,波及香港及大陸多個城市,各國都嚴陣以待,港人外出亦全民戴口罩防感染,包括新出爐視帝馬國明。

今早近10點馬國明在助手陪同下現身香港機場出發前往新加坡商演,他戴上口罩接受訪問時稱,知道現時疫情嚴重,並說:「雖然要搭飛機,但擔心唔到咁多,唯有小心啲。」又透露原本年初二要到大陸惠州商演,但最後取消演出,而新加坡的客戶就如期舉行,更有鄭伊健和他同場演出。

馬國明表示由於父母均在香港,自己離港後會擔心兩人情況,故工作完畢後就會立即回港。問到可會順道在當地採購口罩、消毒紙巾及酒精搓手液等物品?他說:「啱啱先至講緊 ,有時間都會去張羅一下,聽講當地供應冇咁緊張,所以都希望買定啲返嚟,希望香港政府都快啲公布政策,等大家容易啲買到。」

提到香港的工作安排,可會因疫情爆發而有所延誤?馬國明表示新年後要為新劇開工:「暫時我知道係如期開拍,但最終係點要睇公司安排,返香港先再跟進。據我所知套劇全部都喺香港拍,所以都帶定劇本喺行李,一有時間就對劇本。」最後他更祝願大家新一年身體健康,萬事小心。臨入閘前有不少影迷向馬國明索取合照,他友善地一一答應,不過為安全着想大家均全程戴着口罩。

娛聞樂陪你走遍全球追星,即Like「娛果」FB 專頁!
BannerBanner