【熱愛籃球】鄧穎芝洛杉磯悼一代球星 讚拜恩生命影響生命

更新時間 (HKT): 2020.01.28 19:20
(IG圖片)
(社內相)

一代籃球巨星拜恩(Kobe Bryant)墮機身亡,身在洛杉磯的鄧穎芝,今日親到Melrose Avenue的拜恩紀念牆悼念,並在社交網貼相並留言:「Here to say goodbye」。

9年前拜恩到上海出席明星籃球賽,曾跟鄧穎芝、周杰倫、林俊傑、飛輪海等打籃球,鄧穎芝接受《蘋果》電話訪問表示:「我嚟咗洛杉磯一個禮拜,噚日瞓醒發現Kobe直升機失事,自己由細到大都有打籃球,雖然我唔係佢super fans,因為自己好少睇NBA,但好幸運有次做嘢同佢一齊打籃球,覺得佢好好人,好nice,一啲架子都冇,其實除咗Michael Jordan之外,佢係我認識嘅其中一個籃球員,適逢我喺洛杉磯,知道有個地方有佢畫像,有人悼念佢,所以今日去咗。」

鄧穎芝指現場有很多穿着Kobe波衫的球迷:「佢哋神情都好凝重,大家喺memo紙寫悼念說話送畀佢,好多都係話多謝佢,自己睇咗都好深感受,佢用生命影響生命,咁早離開咗好可惜。同埋因為今次嘅意外,佢個囡囡都一齊走咗,自己都好唔開心,佢個女夢想係打WNBA,好可惜唔可以完成夢想。」

娛聞樂陪你走遍全球追星,即Like「娛果」FB 專頁!
BannerBanner