【賭場得意】馬國明與鐵馬家族攻打四方城 唐詩詠:打牌一啲都唔呆

更新時間 (HKT): 2020.01.28 13:15

因為合作拍《鐵馬尋橋》的關係,劇中飾演兄弟姊妹的鄭嘉穎、馬國明、黃嘉樂、林子善和唐詩詠等人結緣,大家的感情好好,不時都相約飯局,昨日他們相約團拜,因為林子善的太太仍在坐月中,只有黃嘉樂攜眷,與攝影師女友Samantha出席,事後大家都在社交平台分享聚會的片段。

因為「安心偷食」的關係,馬國明和黃心穎變回「朋友」,今年的聚會當然不見心穎的蹤影,但馬明仍然不愁寂寞,在相中見到他不時抱着嘉穎的囝囝Rafael,之不過可能抱的姿勢不正確,再加上小朋友怕「陌生」,所以當馬明抱着Rafael的時候,Rafael有點扁嘴地望着馬明,結果詩詠在IG Story上貼回兼留言:「你係邊位?做乜抱住我?」認真搞笑!一班人飲飽食醉後,當然打麻雀。

在打麻雀期間,嘉穎和嘉樂兩人全程傍實詩詠打牌,她又記錄全程:「佢兩個係後面不停嗌,碰!上!果斷啲!上嘞你!食糊啦!要來做乜啫!#鐵馬家族#祝大家贏多啲贏多啲#二佬雖然天然呆#但係打牌一啲都唔呆#多謝大嫂準備嘢食#仲要整埋個蛋糕添#NT」似乎馬明大殺三方成為贏家!

娛聞樂陪你走遍全球追星,即Like「娛果」FB 專頁!
BannerBanner