【蒸口罩消毒】梁芷珊寸元秋「低能」 邵仲衡嘲蒸完再煲埋一碗飲

更新時間 (HKT): 2020.01.30 11:39
(FB截圖)

武漢肺炎肆虐,香港目前至今增至10宗確診個案,香港口罩供不應求,市民四出冒着寒冷天氣於連鎖店外排隊買口罩自保。近日坊間有不少假新聞散播,提供重用即棄口罩的「蒸氣消毒法」,聲稱以100°C高溫下蒸10分鐘,口罩就可消毒,循環再用,而港大感染及傳染病中心總監何栢良指發佈「蒸氣消毒」重用口罩是假新聞,內容大錯特錯兼害死人。

假新聞瀰漫全城,而立法會建制派議員兼立法會衛生事務委員會主席、即「元秋」蔣麗芸就見到此新聞如獲至寶,竟在FB出帖文並留言:「當口罩供應短缺時,高溫蒸氣消毒可解燃眉之急」,做「幫兇」傳播fake news,不少網民都指她唯恐天下不亂,更有網民測試這個「蒸氣消毒法」,不織布根本不受熱即「溶」,所以元秋無自己測試還呼籲市民嘗試,言論真的一點不負責任兼丟架。

梁芷珊今日凌晨一點半就轉貼「元秋」帖文,她表示看完後有四個反應:「蒸?」、「係唔係P圖嚟㗎?」、「係咪俾人hack 咗account呀?」、「元秋真係低能㗎喎!」。之後,梁芷珊更用「元秋」的思維寸對方,提出與「蒸氣消毒法」一樣的腦殘方案:「如果口罩蒸得,咁戴住沖涼咪得囉,開熱啲水,或者帶住佢焗sauna,出返嚟咪消咗毒囉!咁你一個口罩咪夠用一世」。

不少網民對於梁芷珊質疑「元秋」帖文表示認同,紛紛留言:「佢個智商無需要質疑」、「佢完全冇腦」、「月入十萬銀嘅智障!」、「外星人嘅概念…………我哋地球人識條鐵咩」、「今次蒸唔得, 下次出條煎, 炒, 炸既出黎」等。

除了梁芷珊向「元秋」提出沖涼消毒法外,「大佬孝」邵仲衡亦有在FB出帖文寸元秋:「蒸完連隨5碗水煲埋1碗,趁熱呀,趁早,蒸口罩,咪全屋喺,XXX」,有網民亦即和應「大佬孝」留言:「都唔明咁嘅人都入到立法會」、「用光波爐或油炸都得」、「有份投佢票嘅選民,有冇覺得自己對唔住香港人」等。

-----------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner