【爆相爆片】小儀分手十年打爛dry缽 孖黑超壯男行山好避忌

更新時間 (HKT): 2020.02.02 06:00

阮小儀和舊愛分手十年,在愛情路上仍是尋尋覓覓,希望找到心靈伴侶,日前小儀孖黑超壯男到黃竹坑南朗山行山,被讀者陳先生透過「爆相爆片」分享,壯男身材高大結實,不知小儀是否打破dry缽,終於久旱逢甘露呢!

陳先生在電話表示:「前幾日下午大約4、5點,我喺加拿大國際學校附近見到小儀,佢同一個男人一齊,其他都係路人甲,佢哋兩個耷低頭傾偈,冇拖手,佢見到我望住,就低頭冇理人,有少少避忌。」

從讀者提供的相片,戴cap帽的小儀尾隨壯男,對方身材高大,幾乎比小儀高了兩個頭,陳先生說:「個男人外表似40幾歲,做開運動咁款,身型fit fit哋。小儀一路上都好驚有人見到自己,成日頭耷耷,刻意用帽遮住自己,發現有人望住佢嘅時候,佢就刻意同嗰個男人分開行。」

《蘋果》聯絡小儀求證是否拍拖?她以短訊回覆:「行山嘅朋友之一,行山一定要同有經驗朋友一齊,我呢啲初哥,一味靠黐攞經驗呀,如果唔係可以好危險。」對於讀者指她全程低頭好避忌,小儀解釋因為太曬,加上沒有化妝。

小儀表示:「今年想練吓氣同腳力,行多咗山啫。我都有一個人去行,不過唔係行山路,怕危險。如果係行山,就睇邊個朋友得閒join到,或者我得閒join到朋友嘅group行吓啫,好平常不過吧!我都有同我隻狗細佬佬行㗎,不過佢就冇咁好耐力,所以佢唔係一隻好嘅行山腳!」

娛聞樂陪你走遍全球追星,即Like「娛果」FB 專頁!
BannerBanner