【旅行避疫】吳君如一家外遊做足防疫措施 隨緣順道撲口罩

更新時間 (HKT): 2020.02.04 15:55

陳可辛和吳君如帶同囡囡陳是知(Jilian),及囡囡表姐加外傭姐姐一行五人,今日現身機場離境大堂,在航空公司頭等櫃位辦理登機手續,五人均做足防疫措施,齊齊戴上口罩,㩗帶簡便行李出發。

君如和陳可辛辦理完登機手續後,友善地停步拍照,君如說:「出去幾日散吓心,小朋友冇得返學,一切會小心啲。」不過君如未肯透露外遊目的地,只祝大家身體健康。 武漢肺炎在外地也有個案,在這個非常時期外遊,君如表示會做足預防措施,會否順道撲口罩?她即無奈慨嘆:「唉!呢啲唔諗,唔知呀,唔知買唔買到。」至於囡囡Jilian與同行少女,兩人情如姊妹,君如說:「係囡囡嘅表姐,小朋友放假喺屋企唔係辦法,好悶。」

對於工作方面,君如早前開拍電影《媽媽的神奇小子》亦受疫情影響,她說:「工作全世界都停晒,努力做後期之中。」她叮囑大家要小心一點。至於陳可辛開拍的電影《奪冠》原定農曆新年上映,但因疫情影響而上映無期,現在是否一切停工?陳可辛沒有回應。

-----------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner