【爆相爆片】許志安孖神秘女現身跑馬地 目擊者:肯定唔係鄭秀文

更新時間 (HKT): 2020.02.05 00:30

許志安去年被爆安心偷食,即刻公開道歉認錯,獲得老婆鄭秀文原諒,經歷時間洗禮,兩夫婦走出陰霾,雖然黃心穎返港了,但安心已各走各路;惟日前有讀者透過「爆相爆片」表示在跑馬地見到安仔跟一名神秘女同行,讀者更指戴cap帽的女仔好後生:「肯定唔係鄭秀文!」

讀者黃先生接受電話訪問表示:「嗰日大約4點,喺跑馬地見到安仔同一個女仔,佢哋好急咁落車,入咗一間中藥舖,逗留咗好耐,之後去對面茶餐廳,見到佢哋蹺手,安仔仲向女仔掃背,好親暱,呢個女仔肯定唔係鄭秀文,好後生,除非食咗藥回春,分分鐘後生過黃心穎。」不過,讀者提供的短片,卻影不到蹺手掃背畫面,讀者解釋因為被前面架車頂住。

短片中的神秘女戴了cap帽和口罩遮樣,而且距離又遠,面貌看不清楚,不過,記者對比Sammi在社交網的貼相,卻發現髮色、電話殼的顏色都有雷同,最重要的是,安仔和神秘女最後同上七人車離去,而這架七人車是屬於Sammi的,加上神秘女的動靜,有八成似是Sammi。

當晚,Sammi在IG限時動態貼了金銀花涼茶相,留言:「偶爾會煲金銀花喝但不會加糖」,相信當日她和安仔是去中藥舖買金銀花吧。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner