【武漢肺炎】鑽石公主號10人確診 同船黎芷珊:暫時我冇唔舒服

更新時間 (HKT): 2020.02.05 11:00

武漢肺炎肆虐嚴峻,全球越來越多人確診,香港已出現死亡個案,人心惶惶!而香港一名確診患者上月曾在日本乘搭鑽石公主號,今日有日本報道,船上有10人對病毒呈陽性反應。

香港藝人黎芷珊、張寶華、才子陶傑等一行8名親友,跟香港確診患者同樣乘坐鑽石公主號旅遊,對於日本發現有10名乘客確診,同船的黎芷珊回覆傳媒表示:「我未夠14日隔離期,應該落船開始計,到今個月8號就14日,暫時我冇唔舒服,我比較擔心船上乘客,自己仍會繼續隔離。」

前日陶傑要主持《光明頂》節目,仍自我隔離的他,只透過電話做主持,對於林鄭封多幾個口岸,聲稱會大幅減少人流,陶傑恥笑兩聲,說:「我覺得冇乜用,因為仲有百份之六十嘅人流,喺兩個關口入嚟,未曾阻止得到。」

對於很多聽眾關心他的健康,陶傑說:「我正式聯絡過衛生署,佢哋啲官員都係聽眾,佢哋聽到我把聲好開心,博命叫身體健康,我叫佢要畀專業指引,唔可以想我快啲開咪,就縮短或更改任何標準,佢話絕對唔會,根據核對資料,判斷我唔係高危接觸人士,即係唔需要自我隔離,因為佢問過我房號碼、有冇見過嗰個乘客,然後話並不需要自我隔離,不過希望我喺14日內避免去多人地方,同埋出街要戴口罩,謹慎起見,應該要一個月直至2月24日。」

陶傑指在船上沒見過患者及其女兒,亦沒用過船上的泳池和桑拿:「我冇一日用過,絕對冇。因為唔同層數,今日係第10日,我冇任何不適。」對於日本當局將旅客隔離和檢疫,陶傑認為很正確,他自嘲:「我對中國病毒滲透力,當初樂觀咗少少。」

-----------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner