【爆相爆片】汪明荃座駕九龍城撞吊臂車尾 霸氣承擔︰我會賠

更新時間 (HKT): 2020.02.05 19:25

汪明荃(阿姐)一向有擔當、有膊頭,不似香港政府官員般行事閃縮,缺乏承擔。今日阿姐揸車途經九龍城太子道時,不慎撞向前面一部吊臂車,好在沒有人受傷,阿姐的平治房車亦只是頭冚損毀。《蘋果》讀者李先生剛巧目睹雙方簽訂「不追究協議書」的過程,他透過本報「爆相爆片」分享相片。

李先生接受《蘋果》電話訪問時表示,今日下午2時45分左右,在太子道西往旺角方向一個交通燈位前,見到一輛平治跟一輛吊臂車頭尾相撞,李先生說︰「行過見到撞車,當時警察已經到場,後車架平治女司機落咗車,原來係阿姐(汪明荃)。佢打扮得好貴氣,不過唔見佢有戴口罩,班警察就有戴。架吊臂就好似冇乜損傷,阿姐架車頭冚撞凹咗,都唔算好傷。不過阿姐尾車撞前車,一定唔啱。」從李先生提供的短片見到,警察在現場維持秩序,而阿姐向警員講解完事發經過後,用手機拍下兩架車的損毀情況。阿姐跟前車司機交談完一輪後,李先生聽到阿姐話「願意承擔責任,我會賠」。之後見到阿姐同該位司機各自簽定協議書,表明雙方不作追究,事件前後擾攘約半個鐘,往太子方向交通受到影響。

-----------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner