【一波三折】鍾舒祺婚禮受肺炎影響改期到5月 鍾爸等拖女入教堂

更新時間 (HKT): 2020.02.06 18:22

鍾舒漫的胞妹鍾舒祺去年情人節跟拍拖四年的樂隊Ever結他手李恒韜簽紙結婚,兩人原定去年10月在元朗舉行婚宴,但受社運影響決定將婚宴延期到本月16日尖沙嘴舉行。

不過,突然爆出武漢肺炎,鍾舒祺的婚宴又被迫再取消,她今日接受《蘋果》訪問時說:「講真其實婚禮都係為咗朋友同屋企人,而家最緊要大家健康同安全!好似好行咁,但係唔好講笑,我真係好緊張!雖然擺酒落咗訂,但係對方都好好,可以畀我哋延遲到5月尾。」鍾舒祺坦言未有為婚禮一再改期不開心,待疫情散去,他們會再搞婚禮跟親友分享喜悅:「係呀,爹哋仲等緊拖住個女行嗰條路。」

疫情嚴峻,鍾舒祺表示這段期間未有約父母見面,她說:「呢段時間,我同家姐周圍撲口罩,我哋自己都剩返幾個,但係夠用!我哋而家擔心緊嘅係啲有需要嘅人士!等啲貨到會攞去畀我哋教會,我哋教會每個禮拜都會派番畀啲基層人士同埋獨居老人,我哋而家都等緊啲貨,希望快啲到可以送畀佢哋。我同家姐全靠住喺外國嘅朋友幫我哋訂咗好多,希望寄來香港冇意外。我同家姐真心希望各位夠用就得唔好搶,我哋唔知可以幫到幾多人,盡能力啦。所以結婚呢一刻已經唔係最重要!」

-----------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner