【疫情嚴峻】𡃁模胡心諾在武漢隔離到20號 贊成封關抗疫情

更新時間 (HKT): 2020.02.06 13:40
(IG截圖)

目前身在武漢自我隔離的𡃁模胡心諾Rainbow(現改名為胡淽喬/Annabella),連日來將自己在當地的生活post上IG Story,不經不覺她已經自我隔離了12天,談到武漢的情況,她寫道:「今日嘅情況更加嚴峻,我哋要繼續留喺武漢去到20號,或者更耐嘅時間,所以今日出咗去另一個旺啲地方嘅超市買嘢。我哋嗰個鎮入面,有一個大街,有幾個人感染咗肺炎,所以我哋嗰個鎮嘅超市係冇開到,我哋要買啲米、菜同新鮮嘅肉,以備我哋14日喺屋企都唔使出街。」

Rainbow亦直擊當地超市的情況,她表示蔬菜區特別多人,鮮魚區的數目不多,買齊日用品後,Rainbow說:「而家特殊時間,有大部份嘅嘢都冇咗,但米、肉、蔬菜都仲有,好多人喺度揀蔬菜,將啲唔好嘅葉搣走,搞到啲售貨員都叫佢哋唔好再搣,有得畀你買已經好好,因為新鮮嘅蔬菜供應已經越嚟越少,但係啲人又不斷去揀一啲新鮮,其他嘅就搣出嚟,真係好浪費。」

之後Rainbow又與網民談到封關問題,她表示:「我贊成封關,就算我喺武漢都咁話,但要兩地開工嘅香港人又點算呢?有啲做中港司機一定要開工,香港有房貸或者甚麼的,封14日都勉強可能得,好似武漢封到20日,到時好多人都交唔到房貸。封關當然能有效堵截源頭,但封關後帶來甚麼影響呢?經濟?政治面子?香港跟內地有千絲萬縷嘅關係,這個問題就是錢定人命重要?武漢封城之後,有通行證的(醫療/志願團體/某些公司)還可以出入,香港政府能否參考一下,畀香港有需要來往中港兩地的人?疫症沒有人想,希望一切不好的盡快過去!」

最後她還勉勵自己:「你啊,一定要明白,這是你生命中最好的年紀,身體健康,親人安在,現世安穩,不要總因為一點小事心情就一團糟。有些情緒真的沒必要,純屬庸人自擾,反正我們誰也別想活着從這個世界離開,所以,新的一年了,笑一笑,只要死不了,其他又有甚麼大不了!」

另一方面,三級片《有罪》的女主角、「湖北舒淇」王家淇,上月回鄉湖北恩施過年,撞正爆發武漢肺炎,湖北封城,王家淇被困家鄉,由於位處山區,疫情未有擴散,不過區內食物不足,她每隔幾天向農民買菜,今日就外出買麵粉回家包餃子,王家淇回覆《蘋果》:「吃的全靠自己去做,街上買不到。」王家淇日前表示手頭只剩4個口罩,她今日說:「口罩買不到,只能在家不出門,唯一一個口罩,我留着到樓下拿東西用。」

-----------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner