【扮乜似乜】44歲蝦頭盼覓真愛 過去戀愛都「是傷、是痛」

更新時間 (HKT): 2020.02.06 21:43
(IG圖片/電影劇照)

楊詩敏(蝦頭)向來是扮嘢高手,模仿徐子珊成經典作外,扮王菀之、麥玲玲都一樣似模似樣,蝦頭經常帶給人歡樂,但真正的她原並不瘋癲,在生活上更遇到很多不愉快的事。

蝦頭日前接受陳圖安主持的港台節目《安哥同學會》訪問,她坦言經常都會躲在家中偷泣,她說:「我習慣將唔開心嘅自己收起嚟,只將歡樂與大眾分享,都算係報喜不報憂。」主持讚蝦頭心思細密,並非如表面「大癲大肺」,蝦頭即一時感觸落淚,感恩有人欣賞自己內在的一面。入行十多年,蝦頭回想演藝之路,感恩遇上伯樂詹瑞文,她說:「當時我畢業6、7年都係自由身演員,演出嘅角色冇乜突破,好彩遇到詹Sir,佢見過我演出後,就邀請我加入佢嘅劇團,一做就5年。」她說雖然稱不上是名成利就,但卻能成為一位創作演員,令她畢生受用。

另一位不得不提的伯樂,蝦頭不避言提到身兼前經理人、前男友與好拍檔的邵子風,她說:「佢係我生命中重要嘅男人。離開詹sir劇團後,我本來感覺前路茫茫,但佢喺工作上、情感上都幫助我好多,慢慢擦出火花,而現在留下嘅關係就只有好朋友。」回味這段戀情,可謂五味雜陳,蝦頭認為緣份很奇妙,人生不斷向前走,縱使有人曾在自己的生命中無比重要,隨後都會淡出。44歲的蝦頭被問及現時的感情狀況?她直言仍是單身:「以往嘅戀愛經驗都是傷、是痛,傷口絕不簡單。我要先好好愛自己,懂得愛自己,才會有人來愛。我深信Mr. Right終歸會出現,不會心急,先讓自己沉澱,做個值得被愛嘅蝦頭。」

蝦頭透露現正全力籌備個人獨腳戲,學習唱歌跳舞,更已開始撰寫劇本,希望在2022年前將最內在及真摯的自我呈現給觀眾,帶出正能量。她說:「站在舞台上嘅決定,我絕對唔會後悔,我呢世嘅使命就係要演出,為大家帶來思考嘅課題,尋找真我。」

-----------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner