【人生最痛苦嘅事】江嘉敏超市撲唔到廁紙M巾:唔係肚屙唔好搶喇

更新時間 (HKT): 2020.02.06 20:30
(IG截圖)

武漢肺炎肆虐香港,市民擔心會出現社區爆發,紛紛到超級市場及藥房搶購大量口罩,昨日網上流傳大陸將停止廁紙供港後,連廁紙、紙巾都被搶購一空。江嘉敏昨日在IG Story出post,她貼了一張醫生紙並說:「醫生證實我只是腸胃炎,沒有發燒亦沒有嘔吐,再者也沒有外遊紀錄,朋友同事們無需擔心。」

事實上無綫日前突然傳出有人在電視城內嘔吐,出事位置正是拍攝處境劇《愛.回家之開心速遞》廠景附近,消息傳出即惹來武漢肺炎疑雲,台前幕後一片恐慌,未知是否這原因,所以她要出示證明,令大家安心。其後江嘉敏再貼出超市貨架的片,發現廁紙的貨架一掃而空,她叮囑一定要開聲聽:「我想話畀大家聽,我係一個肚屙緊嘅女仔,我要嘅紙巾、M巾但係全部都冇!想點先?」接着她又說:「唔係肚屙唔好搶廁紙喇!喂!一次過買10條廁紙用嚟食咩!斷估啲人唔係買啲夜用M巾嚟當口罩用呀嘛!」

經過一輪努力下,江嘉敏再說:「冇紙巾冇M巾,原本連消毒濕紙巾都冇。香港總係有啲唔聽話嘅人,前面個阿姐拎住咗10幾包濕紙巾,我即刻出聲話:『每人限買兩包喎!』好彩收銀哥哥好公正,喺佢個籃拎番出嚟,個阿姐即刻叫排喺佢前面嗰幾個人搶番濕紙巾話要買,最終,得番2包落到我手。」最後她還說:「打算畀錢嘅時候,有個叔叔問我邊度有呢啲消毒嘢買,佢話屋企乜都冇喇,然後我分咗一包畀佢!」

-----------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner