【減少出街】姚子羚錯失約男仔機會 趙慧珊不介意戴口罩獻唱

更新時間 (HKT): 2020.02.07 18:40
攝影:仇志德

姚子羚今日為劇集到商台宣傳,疫情在港肆虐下,她表示近日不用工作,可以留在家中煲劇,本月14日便播出大結局,未知會否相約同劇演員一起聚餐:「要睇下輝哥(張兆輝)得唔得閒,可能要陪老婆,洪永城同蕭正楠都未必得閒,個個成雙成對,唔好搞人,我陪隻狗都得。」她自言也減少約會,被問可會錯失機會約會男仔?她說:「呢啲遲啲先講,近日非常時期,大家點出嚟,冇理由約人哋返屋企睇劇。」

姚子羚指剛拍完兩部劇,近日都是休息,但因疫情不會出街,朋友約旅行也推辭,她說:「噚日有朋友約我去馬爾代夫,但要做嘢冇去。朋友婚禮都延期,但係傳統禮節就要做。」

此外,趙慧珊(Aka)為新歌《到底之後》今日到商台宣傳,她覺得這歌很貼近最近香港情況,歌詞中提到情況已到谷底,她期望疫情已到谷底,希望不要再有確診或死亡個案。一月尾初爆發時,父親突然哮喘病發,險要入院治療,因覆診的醫院剛發生確診個案:「好彩佢突然諗起屋企仲有藥,原本要覆診日期都要延遲。我細妹做空姐,本身要飛上海,好彩最後取消咗班機唔使飛。」

原本有個表演活動也取消的Aka,也擔心出席人多的活動:「如果之前接落嘅通告冇辦法都照做,可能問吓可唔可以戴口罩唱歌。」她亦不忘提醒居於澳門的粉絲,善用其褔利換取口罩,不要懶惰。而她有份演出的微電影將會播出,但宣傳亦已延期。

-----------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner