【武漢肺炎】麥兆輝受疫情影響 新戲收指令延期開工

更新時間 (HKT): 2020.02.07 16:33
(攝影:陳俊強)

武漢肺炎疫症肆虐,特首林鄭月娥堅持不全面封關,但香港人卻被台灣、越南及菲律賓等地禁止入境,意大利更禁止所有香港護照持有人出入,以防止疫症蔓延。

麥兆輝導演早前趁農曆新年假期與老婆及囡囡到意大利滑雪旅遊,今日他戴住口罩現身香港機場:「因為我喺多哈再轉機返嚟,所以冇受影響,原定計劃都係咁。原本就冇留咁耐,不過收到消息要停課,就同個女玩耐啲。」

他透露到意大利等地玩十多日,當地主要做華人生意的店鋪,店員亦已戴上口罩。問麥兆輝在航班上有否加強防備?他笑謂:「咁食少少嘢都可以,唔係咁緊張,空氣入面又唔係有晒伊波拉病毒,又唔係唔戴口罩吸幾啖空氣會死,只係大家嘅防疫意識強咗啫。」

提到電影業全面停工,麥兆輝坦言沒辦法:「拍電影列為公眾活動,而家有份文件,講明冇得拍,唔聽話會有懲罰。」他表示原定新年假後為電影《廉政風雲.煙幕》續集埋班開工,現時要延遲1、2個月,屆時再視乎情況再決定。麥兆輝坦言延遲開工對他影響不大:「不過啲crew原本開始收人工,而家就冇啦。」他又笑謂因囡囡停課而頭痛,因女兒要在家上遙距課程,因此未能再次外遊。

採訪:盧妹、攝影:陳俊強

-----------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner