【杜汶澤撐場】譚小環茶餐廳切燒豬 網民溫馨提示譚爸爸口罩移位

更新時間 (HKT): 2020.02.07 15:45
(FB圖片)

譚小環無懼逆巿在九龍灣開茶餐廳,店中本月1日開始試業,巿民都爭着懲罰這間黃店,門外日日大排長龍。餐廳今日低調搞拜神開張,「渣哥」、小環老公蔡榮強(Eric)把照片分享社交網後留言:「儀式簡單而隆重!好多毛毛蒲頭,阿澤就唔覺意路經,梗係要整番件三文治奶茶行街啦。」Eric主持切燒豬儀式,由於大都乖乖戴了口罩,形成口罩黨集結門前,真是難於認出東方昇、利君牙、龍志權、崔建芒、唐詩勁、羅若off等人。有網民看到大家合照,溫馨提示小環爸爸口罩不夠貼鼻樑,Eric今日回覆《蘋果》後說:「係呀少少移咗位,立即提外父整番好。」小環也說:「網民好窩心。」

不過gel靚頭返工的阿澤即使戴了口罩都肯定被認出,他匆匆打招呼後便買外賣離開,不忘店外拍照打卡後說:「返工前梗係買咗外賣先啦!」阿澤回公司後急不及待嘆那份蛋治後再留言:「我份人最憎啲食肆見到artist就畀大份啲!如果大家去『大渣哥』嗌蛋治冇呢件咁厚,你即刻畀呢個post佢睇。大眼仔(Eric花名)你今次仲唔死?」

---------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner