【近乎包場】趙哲妤母女閉關十日 帶齊防疫用品去嘉年華喪玩

更新時間 (HKT): 2020.02.09 14:50
(FB圖片)

武漢肺炎仍未受控制,為防交叉感染,大家都減少外出和活動,學校也停課。單親媽咪趙哲妤(Uny)日前就帶了3歲的囡囡趙真羽(小魚)外出,她們到中環的嘉年華耍樂,場中並不多人。Uny昨貼相到facebook後留言:「有了孩子,人生就是不一樣,天天特別有朝氣,熱熱鬧鬧過生活。」相中看到兩母女都有戴口罩出動,不過Uny就有脫下口罩抖氣,她卻錯誤把口罩拉到下巴位置,防疫意識甚差。

Uny今日接受《蘋果》訪問時說:「停課後,我哋一直喺屋企防疫,小朋友10日冇出街,取消一切拜年活動,一段時間冇同小朋友『放電』。早前預備咗嘉年華VIP門票,噚日開車喺閘外視察,裏面基本上所有活動都冇人排隊,所以就帶口罩、酒精搓手液入去放電。如有人流,我哋絕唔會去。小朋友好耐冇外出,顯得好興奮,跑來跑去,囡囡好聽話,戴口罩同玩完遊戲會捽手。因嘉年華人流唔多,有一半機動遊戲冇職員看守,順道訓練小朋友耐心排隊,等職員返嚟。而我都提高警覺,玩所有遊戲都係包場先玩,確保冇同其他小朋友或大人近距離接觸。VIP區都關閉,我都冇去睇馬戲團表演,避免人群聚集。場內冇聽到普通話,應該冇內地人,有嘅都係一家大細。大部份都戴口罩或手套,只有部份外籍職員不設防。」問場內約有多少巿民?Uny說:「無認真數,都應該有幾十人。大部份機動遊戲都冇人玩,玩嗰時都係1、2個人,但都有啲人擲公仔,food court得兩枱人。」Uny表示母女玩完後,未來十天她們會留在家中閉關防疫。

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner