【今年限定】林二汶孖岑寧兒台北開騷 計劃回港再合體

更新時間 (HKT): 2020.02.09 17:55

林二汶與好友岑寧兒(Yoyo)早前在台灣舉行《二寧二寧 寧二寧二音樂會》,小塵埃擔任嘉賓。二人過去只合唱過《銀髮白》,今次特別構思合作,Yoyo笑言:「因為真係想一齊玩。」她們刻意構思了全程同台的歌單,合唱作品佔大多數,Yoyo表示:「我哋想個show由頭到尾兩個人都喺台上,合唱歌甚至多過solo嘅歌,而即使獨唱時,二汶都可以喺台上搖shaker打節奏,或者我幫佢唱和音,做出一個兩個人好融洽嘅表演。」音樂會的另一特色,是用上了Yoyo在台灣的御用樂隊,對此二汶感到份外興奮,她說:「上次喺香港睇Yoyo個show已經好鍾意佢隊band,今次真係可以同呢班音樂人合作,我又學到嘢,而佢哋嘅音樂真係做得好好,所以今次特別開心。」

對於能與好友一同演出,Yoyo說:「有擔心過用國語表演同二汶會表現陌生,因為怕要諗多咗先知點講,就冇平時咁好玩,但結果唔會囉!同平時都差唔多咁自然,加上二汶講嘢好叻,我就算由頭到尾唔使講嘢,佢都會諗晒成個show歌同歌之間要講乜嘢,佢又好識handle一個show嘅flow同氣氛,所以好安心。」二汶則說:「因為我哋太好朋友,就算連傾偈都可以有好多火花,我同佢可以無所不談,音樂上,只要大家講上半句,對方都會知下半句想講乜,呢種默契同友誼真係唔多。」

這對好閨密不排除會將這個音樂會作巡迴演出,甚至帶回香港,二汶說:「當然希望可以帶到返嚟香港,大家互相鼓勵,而家呢個時間最重要係咁,就如《銀髮白》中嘅一句歌詞『世界再壞仍舊不怕』,希望呢個tour可以將呢句歌詞發揚光大。」Yoyo笑言如果繼續用上這個音樂會名字,只可以是今年限定,自己會盡量配合,看一年內可以在那些地方與二汶再次同台演出。

-----------------------------

《果GYM》隨身播  健身壹App過!

娛聞樂陪你走遍全球追星,即Like「娛果」FB 專頁!
BannerBanner